“Manchester Siti” va “Portu” yarim himoyachi Niko Gonsales borasida muzokaralarni davom ettirmoqda.
“Shaharliklar” qishki transfer oynasining so‘nggi kunlarida o‘z tarkibini ispaniyalik futbolchi bilan kuchaytirishni rejalashtirmoqda, biroq hozircha “ajdarlar”ning talablarini qondira olmadi.
23 yoshli futbolchining shartnomasida tovon puli 60 million yevroni tashkil etadi, ammo ingliz grandi bu bandni faollashtirish niyatida emas, deya xabar beradi insayder Fabrisio Romano.
“Shaharliklar” rahbariyati yarim himoyachini 40 million yevrodan ko‘p bo‘lmagan summaga sotib olish borasida kelishib olmoqchi. Nikoning o‘zi allaqachon transferga rozi bo‘lgan.