Madridning “Real” klubi sobiq hujumchisi Ronaldo sobiq jamoadoshi – daniyalik Tomas Gravesenni u bilan birga o‘ynagan eng yomon futbolchi sifatida e’tirof etdi.
“Gravesen — ajoyib yigit, yaxshi inson. Lekin futbol nuqtai nazaridan juda yomon, qo‘pol o‘ynardi va oyoqlarga qattiq zarba berardi”, deya Ronaldoning so‘zlarini keltiradi Marca.
Braziliya terma jamoasining sobiq futbolchisi Ronaldo faoliyati davomida “Kruzeyro”, “PSV”, “Barselona”, “Inter”, “Real”, “Milan” va “Korintians” klublarida o‘ynagan. U professional faoliyatida jami 735 ta o‘yinda maydonga tushib, 512 ta gol urgan.
Tomas Gravesen 2005—2006 yilgi mavsumda “Real”da to‘p surgan. Yarim himoyachi 34 uchrashuvda maydonga tushib, bir bor raqiblar darvozasini ishg‘ol qilgan.