Serbiyaning Nish shahrida boks bo‘yicha ayollar o‘rtasidagi jahon chempionati kecha start oldi.
Dastlabki kun bellashuvlarida O‘zbekiston terma jamoasi a’zolaridan Oltinoy Sotimboyeva ringga ko‘tarildi. +81 kg vazn toifasida qatnashadigan hamyurtimizga qozog‘istonlik Eldana Talipova raqiblik qildi. Hakamlarning qarorlariga Oltinoy 1:4 hisobida imkoniyatni boy berdi.
Ikkinchi kungi janglardan 2 nafar bokschi qizimizning chiqishlari o‘rin olgan.
O‘z janglarini o‘tkazadigan vakillarimiz va ularning raqibalari bilan tanishing:
-54 kg: Aziza Yoqubova – Yang Payek Jin (Shimoliy Koreya). A ring. 18:30
-57 kg: Nigina O‘ktamova – Xuraman Kasumova (Gruziya). B ring. 23:00
Musobaqa uchrashuvlari Toshkent vaqti bilan soat 18:00 da start oladi.