Milanning “Inter” klubi yarim himoyachisi Davide Frattezi Italiyaning boshqa top-klubiga o‘tishi mumkin.
25 yoshli futbolchi Simone Indzagi jamoasida kam o‘yin amaliyotiga ega bo‘lmoqda, shu sababli xavbekning ehtimoliy ketishi qishki transferlar davridayoq faol muhokama qilingan edi. Yanvar oyida Fratteziga “Roma” va “Tottenxem” klublari qiziqish bildirgandi, ammo kelishuv amalga oshmadi.
Insayder Janluka di Marsioning ma’lum qilishicha, “Napoli” yaqinlashib kelayotgan transferlar davrida o‘rta chiziqni kuchaytirish niyatida va Frattezi ehtimoliy nomzodlardan biri. Manbaning ta’kidlashicha, partenopiyaliklar italiyalik futbolchini o‘tgan qishda ham o‘z safiga qo‘shib olish haqida o‘ylashgan. Transfermarkt talqiniga ko‘ra, futbolchining narxi 32 mln yevroga teng.