“Manchester Yunayted” himoyachisi Diogo Dalot boldiridan jarohat oldi va APLning 34-turida “Bornmut”ga qarshi o‘yinda maydonga tushmaydi.
Bu haqda “qizil iblislar” bosh murabbiyi Ruben Amorim o‘yindan oldingi matbuot anjumanida ma’lum qildi.
“Bu jarohat uni mavsumning qolgan qismida o‘tkazib yuborishi mumkinmi? Bu mumkin, lekin men bilmayman. Biz uning holatini har hafta kuzatib boramiz, chunki u juda qattiq ishlaydi va yaxshi tuzalib keta oladi, shuning uchun ko‘ramiz”, dedi Amorim.
Joriy mavsumda 26 yoshli portugaliyalik futbolchi klub safida barcha turnirlar doirasida 51 ta o‘yinda maydonga tushib 3 ta gol urdi va 5 ta golli uzatmani amalga oshirdi.