Tailand poytaxti Bangkok shahri mezbonlik qilayotgan kattalar o‘rtasidagi Osiyo chempionatining yakkalik bahslari yakuniga yetdi.
Ertaga qit’a birinchiligining aralash jamoaviy musobaqasi bo‘lib o‘tadi. Unda 11 davlat terma jamoalari g‘oliblik yo‘lida bahslarga kirishishadi. O‘zbekiston terma jamoasi qur’a natijasiga ko‘ra o‘z ishtirokini 1/4 finaldan boshlaydigan bo‘ldi.
Birinchi bosqichdan o‘rin olgan Turkmaniston – Tojikiston uchrashuvi g‘olibi terma jamoamizga qarshi bahs olib boradi. Hammasi biz o‘ylaganchalik bo‘lgan taqdirda Yaponiya bilan finalda to‘qnash kelamiz.