Yarim himoyachi Job Bellingem 2024/2025 yilgi mavsumda Chempionshipning eng yaxshi yosh futbolchisi deb topildi. Bu haqda “Sanderlend” rasmiy sayti xabar bermoqda.
Chempionshipning 39 o‘yinida 19 yoshli Bellingem to‘rtta gol urdi va sheriklariga uchta golli uzatmani amalga oshirdi. “Sanderlend” chempionat tugashiga bir tur qolganida pley-off yo‘llanmasini qo‘lga kiritdi va u yerda Premyer-ligaga ko‘tarilish uchun kurash olib boradi.
Job Bellingem – “Real” yulduzi Jud Bellingemning ukasi. Yaqin kelajakda Job yanada nufuzli klubga o‘tishi kutilmoqda.
Transfermarkt portali kichik Bellingemni 22 million yevroga baholamoqda.