Kataloniyaning “Barselona” jamoasi Milanda “Inter”ga 3:4 hisobida mag‘lub bo‘lib, Chempionlar Ligasi finaliga chiqa olmadi. Uchrashuvda xatolari bilan tanqidlarga uchragan himoyachi Ronald Arauxo o‘yindan so‘ng o‘z fikrlarini bildirdi.
“Biz juda xafamiz. Bunday o‘yinlarda kichik tafsilotlar hammani hal qiladi. Biz Chempionlar Ligasini yaxshi o‘tkazdik va finalga chiqishga umid qilgan edik. Ammo menimcha, bu natija “Real”ga qarshi bo‘ladigan uchrashuvga ta’sir qilmaydi”, — dedi Arauxo jurnalistlarga.