Neymar jarohatidan tiklanish uchun qattiq mashq qilmoqda.
“Santos” hujumchisi 17 aprel kuni Braziliya chempionati doirasida “Atletiko Mineyro”ga qarshi o‘yinda (2:0) chap sonini jarohatlagan va 34-daqiqada almashtirilgandi.
UOL xabariga ko‘ra, 33 yoshli futbolchi klub bazasida soat 11gacha shug‘ullanadi. Qayta tiklash jarayoni qoniqarli davom etmoqda.
Futbolchi shifokorlar tavsiyalariga amal qilmoqda va may oyi oxiri yoki iyun boshida maydonga qaytishi kutilmoqda. “Santos” tibbiyot xodimlarining aytishicha, Neymar hech qachon bunchalik ko‘p mashq qilmagan.
Hujumchining Braziliya klubi bilan shartnomasi 30 iyunga qadar amal qiladi. Kutilishicha, tomonlar yaqin kunlarda shartnomani uzaytirish masalasini muhokama qilishadi.