Saudiya Arabistonining top-klublaridan biri “Manchester Yunayted”ning asosiy yulduzi uchun jiddiy taklif tayyorlamoqda.
Jurnalist Ekrem Konur xabariga ko‘ra, “Al-Hilol” rahbariyati yozgi transferlar vaqtida 30 yoshli Brunu Fernandesh bilan shartnoma imzolamoqchi. Ular “qizil iblislar”ga portugaliyalik uchun ajoyib pul taklif qilish niyatida.
Biroq takidlanishicha, “Manchester Yunayted” bosh murabbiyi Ruben Amorim bu transferga keskin qarshi, shuning uchun Saudiya top-klubining jiddiy qiziqishiga qaramay, futbolchi “Old Trafford”da qolishi shart.
Joriy mavsumda Brunu Fernandesh “Manchester Yunayted” safida barcha musobaqalarda 53 ta o‘yinda maydonga tushib, 19 ta gol urdi va 19 ta golli uzatmani amalga oshirdi.