Tunis davlatining Monastir shahrida ayollar o‘rtasida W15 tasnifiga kiruvchi xalqaro turnir o‘tkazilmoqda. Unda mamlakatimiz sharafini yosh tennischimiz Larisa Bekmetova munosib himoya qilmoqda.
Larisa musobaqadagi ishtirokini saralash bosqichidan boshladi. Unda tennischimiz hindistonlik Mirudxula Palanivelni 6:4, 6:0 hisobida taslim etgan bo‘lsa, yakkalik bahslarining asosiy to‘r bosqichiga o‘tish o‘yinida mezbonlar vakilasi Alaa Essidni 6:2, 6:0 hisobida taslim qildi.
Shu tariqa, Xalqaro tennis federasiyasi tomonidan o‘tkazilayotgan musobaqaning asosiy to‘r bosqichining birinchi davrasiga yo‘l olgan L.Bekmetova endi italiyalik Francheska Del’Edera bilan raqobatlashadi.