“Bavariya” hujumchisi Xarri Keyn Bundesliga to‘purarlar poygasida g‘olib chiqdi.
Shanba kuni bo‘lib o‘tgan “Xoffenxaym”ga qarshi so‘nggi tur o‘yinida (4:0) angliyalik futbolchi bittadan gol va assist muallifi bo‘ldi. Umuman olganda, Keyn Bundesliganing yakunlangan mavsumida 26 ta gol urdi – u Dortmundning “Borussiya” klubidan Seru Girassi va “Bayer”dan Patrik Shikni (21 tadan gol) ortda qoldirib, turnirning eng yaxshi to‘purariga aylandi. Shu tariqa, myunxenliklar forvardi yangi rekordni zabt etdi: u ikki debyut mavsumida Germaniya chempionatining eng yaxshi to‘purari bo‘lishga muvaffaq bo‘lgan birinchi futbolchi bo‘ldi.
Eslatib o‘tamiz, Xarri Keyn 2023 yilning yozida “Tottenxem”dan “Bavariya”ga ko‘chib o‘tgan edi. O‘tgan mavsumda futbolchi Bundesligada 36 marta gol urgan.