Abbosbek Fayzullayev “Lokomotiv”ga qarshi o‘yindagi xatosi uchun uzr so‘radi.
RPL 29-turidan o‘rin olgan SSKA hamda “Lokomotiv” jamoalari o‘rtasidagi bahsda kuchlar teng keldi (2:2).
25-daqiqada Fayzullayev Villian Rosha yo‘nalishida o‘z jarima maydoniga uzatma amalga oshirdi. Pasni Dmitriy Vorobev ilib oldi va darvozaga zarba berdi, to‘p darvoza to‘ridan joy oldi.
“Ikkinchi goldagi xatoim uchun barcha muxlislardan uzr so‘rayman. Barcha mas’uliyatni o‘z zimmamga olaman va keyingi o‘yinlarda jamoaga yordam beraman,” – deb yozdi Fayzullayev Instagram’dagi storisida.