Ispaniya chempionatining so‘nggi turida “Barselona” safarda “Atletik”ni mag‘lub etdi – 3:0.
“Ko‘k-anorranglilar” safida Robert Levandovski dublni rasmiylashtirdi va uchrashuvning 14 va 17-daqiqalarida o‘z hisobiga gol yozdirib qo‘ydi. Hakam tomonidan qo‘shib berilgan daqiqalarda Dani Olmo penaltini aniq amalga oshirib, hisobni yirik ko‘rinishga olib keldi.
“Barselona” mavsum yakunlariga ko‘ra Ispaniya chempioniga aylandi va tarixida 28-marta turnir g‘olibiga aylandi. 38 tur davomida kataloniyaliklar 88 ochko to‘plashdi. “Atletik” 70 ochko bilan chempionatni to‘rtinchi o‘rinda yakunladi. Ikkala jamoa ham kelasi mavsumda Chempionlar ligasida o‘ynaydi.