2024/2025 yilgi mavsum yakunida Angliya Premyer-ligasidan tushib ketgan “Ipsvich”ning eng yaxshi to‘purari bo‘lgan Liam Delap “Chelsi” futbolchisiga aylanadi. Fabrisio Romano o‘zining X akkauntida xabar berganidek, 22 yoshli forvard bilan shartnoma yaqin soatlarda imzolanadi.
Avvalroq, “Chelsi” Delapning transferini klublar o‘rtasidagi jahon chempionati boshlangunga qadar yakunlashni rejalashtirayotgani haqida xabar berilgandi. OAV xabariga ko‘ra, forvard futbolchining agentlari klubni avvalroq ogohlantirgan “Manchester Yunayted”ga o‘tishdan bosh tortgan.
Eslatib o‘tamiz, Liam Delapning “Ipsvich” bilan shartnomasida jamoa Chempionshipga tushib ketganidan keyin tovon puli 36 million yevroga tushirilgandi. O‘tgan mavsumda 22 yoshli angliyalik futbolchi APLning 37 ta uchrashuvida 12 ta gol urdi va 2 ta golli uzatmani amalga oshirdi.