Fransiyaning “PSJ” klubi ustozi Luis Enrike klublar o‘rtasidagi jahon chempionati guruh bosqichi doirasida Madridning “Atletiko” klubiga qarshi kechgan yirik hisobdagi g‘alabadan so‘ng o‘z fikrlarini bildirib o‘tdi.
Parij jamoasi “matraschilar”ni 4:0 hisobida mag‘lub etdi.
“Bu o‘yin tablodagi natijaga qaraganda qiyinroq edi. O‘yin paytida juda issiq edi. Bunday natijadan xursandmiz va yo‘limizda davom etamiz. Jamoa ajoyib o‘yin o‘tkazdi. Stadiondagi muhit bizga yoqdi. Bu juda qiziqarli turnir,” – deya ispaniyalik murabbiyning so‘zlarini keltiradi AS.
Parij jamoasi klublar o‘rtasidagi jahon chempionati – 2025’dagi navbatdagi o‘yinini Braziliyaning “Botafogo” jamoasiga qarshi o‘tkazadi.