“Yuventus” Adidas bilan shartnomani uzaytirdi.
Turinliklar texnik hamkori bilan yangi shartnoma imzolaganini e’lon qildi. Shartnoma o‘n yilga mo‘ljallangan – 2027/28 yilgi mavsumdan 2036/37 yilgi mavsumgacha.
Shartnomaning butun muddati davomida “byankonerilar” 408 mln yevro oladi. Bunda sotuvlar hajmi yoki sport natijalari bilan bog‘liq qandaydir ko‘rsatkichlarning oshib ketishi bilan bog‘liq qo‘shimcha to‘lovlar hisobga olinmaydi.
“Yuventus” va Adidas 2015 yildan buyon hamkorlik qilib keladi.