“Liverpul” yozgi transferlar vaqtida yana bir qator shov-shuvli transferlarni amalga oshirishi mumkin.
Yaqinda “qizillar” Angliya futboli tarixidagi rekord xaridni amalga oshirdi: jamoa safini “Bayer”dan 125 mln yevroga qo‘shimcha bonuslarsiz transfer qilingan Florian Virs to‘ldirdi. Shunga qaramay, Transfer News Live’ning Liverpool Echo’ga tayanib xabar berishicha, “Liverpul” yozda Premyer-ligada amalda bo‘lgan foyda va barqaror rivojlanish qoidalarini buzmagan holda yangi futbolchilar uchun yana 200 mln funt (230 mln yevrodan ortiq) sarflashi mumkin.
Tarqalgan xabarlarga ko‘ra, tez orada “Liverpul” safiga “Bornmut”ning chap qanot himoyachisi Milosh Kerkez ko‘chib o‘tadi. Shuningdek, mersisaydliklar “Nyukasl”ning qimmatbaho forvardi Aleksandr Isakga ham qiziqish bildirmoqda.