Gonsalo Garsiyaning goli Madridning “Real” klubiga JCH 1/8 finalidan o‘rin olgan “Yuventus”ga qarshi o‘yinda (1:0) g‘alaba keltirdi.
21 yoshli forvard o‘yindagi yagona golni 54-daqiqada Trent Aleksandr-Arnoldning uzatmasidan keyin boshi bilan darvozani ishg‘ol qildi.
Opta xabariga ko‘ra, Garsiya – JCH-2025ning barcha uchrashuvlarida jamoasining gollarida bevosita ishtirok etgan yagona futbolchi. Avvalroq ispaniyalik futbolchi “Red Bull Zalsburg” va “Al-Hilol”ga bittadan gol urgan, “Pachuka” bilan o‘yinda esa golli uzatmani amalga oshirgandi.
Chorak finalda Xabi Alonso jamoasi “Borussiya” Dortmund – “Monterrey” qarama-qarshiligi g‘olibiga qarshi bahs olib boradi.