Yaqindagina “Barselona” safiga kelib qo‘shilgan vingeri Runi Bardji bosh murabbiy Xans-Diter Flikda yaxshi taassurot qoldira oldi.
Kataloniyaliklar 19 yoshli futbolchini iyul oyi o‘rtalarida 2,5 mln yevro evaziga “Kopengagen”dan sotib olgan edi. Mundo Deportivo xabariga ko‘ra, shvesiyalik futbolchi mavsumoldi dastlabki mashg‘ulotlarida Flikni hayratda qoldirgan. Ko‘rinib turibdiki, yosh futbolchi “ko‘k-anorranglilar”ning asosiy tarkib o‘yinchilariga o‘rinbosar sifatida tarkibda muhim vazifa bajarishi mumkin.
Runi Bardji Kataloniyaga ko‘chib o‘tishdan oldin “Kopengagen” safida 84 ta o‘yinda maydonga tushib, 15 ta gol urgan. Mart oyida futbolchi xochsimon bog‘lami jarohatidan tiklangandi.