“Kristal Pelas” darvozaboni Din Xenderson “Liverpul”ga qarshi Angliya superkubogi bahsidan so‘ng o‘z fikrlari bilan o‘rtoqlashdi.
“So‘z bilan ta’riflash qiyin bo‘lgan his-tuyg‘ularni boshdan kechiryapman. Murabbiy ikkinchi bo‘limda bizda ijobiy lahzalar bo‘lishini aytdi. “Kristal Pelas” bu o‘yinda g‘alabaga haqli edi.
Penaltilar seriyasiga tayyorgarlik ishlari ajoyib bo‘ldi. Menga yordam bergan va qo‘llab-quvvatlagan barchadan minnatdorman.
“Liverpul”ni mag‘lub etish – shunchaki aqlbovar qilmaydigan narsa. Ular o‘yinga favorit sifatida kirishdi. Chunki raqib jamoada juda yaxshi o‘yinchilar bor. Biz uch oy ichida ikkita sovrinni qo‘lga kiritdik. Bu esa klub tarixidagi muhim lahzadir”, – deya Xendersonning so‘zlaridan keltiradi BBC.