“PSJ” darvozaboni Janluiji Donnarumma “Manchester Siti”ga o‘tishga rozilik berdi.
Seshanba kuni italiyalik futbolchi parijliklar safini tark etishini e’lon qildi, chunki klub endi unga umid qilmayapti. Jurnalist Loik Tanzining ma’lum qilishicha, 26 yoshli darvozabonning “shaharliklar” bilan kelishuvi bor. Ayni paytda ingliz grandi “PSJ” bilan transfer shartlarini kelishib olishga harakat qilmoqda.
“Manchester Siti” vakillari uzoq vaqtdan beri Janluiji Donnarummani kuzatib kelmoqda va kelasi yil tugaydigan shartnomasi tufayli arzonlashtirilgan narxda xarid qilinadigan yulduz posbonni qo‘lga kiritish uchun yuzaga kelgan imkoniyatni qo‘ldan boy bermaslik kerak, deb hisoblamoqda.