“Bavariya” bosh murabbiyi Vensan Kompani jamoasining Germaniya Superkubogi uchun “Shtutgart”ga qarshi o‘yindagi muvaffaqiyati (2:1) haqida gapirdi.
Myunxenliklar 18 va 77-daqiqalarda Xarri Keyn va Luis Diasning gollari evaziga g‘alaba qozonishdi.
94-daqiqada shvabiyaliklar safida Jeymi Leveling gol urdi.
“Bu kubok juda muhim, chunki u klub afsonasi Frans Bekkenbauer nomi bilan atalgan. Shtutgartda bu hech qachon oson bo‘lmagan, ammo biz buni uddaladik.
Albatta, biz mavsumga uzoqroq tayyorgarlik ko‘rishni ma’qul ko‘rgan bo‘lardik, ammo shikoyat qilishning ma’nosi yo‘q – vazifa bajarildi.
Biz maqsadimizga erishdik va mavsumni kubok bilan boshladik. Bu muhim”, – dedi Kompani.