Aleks Baena “Atletiko” mashg‘ulotlarida jarohat oldi.
Vinger mushaklaridagi noqulaylik tufayli chorshanba kuni mashg‘ulotlarni yakunlay olmadi. Shu sababli Ispaniya terma jamoasi a’zosi tekshiruvdan o‘tkazildi.
Madridliklar tibbiy xizmati xulosasida uning mushaklarida yengil jarohat borligi aytilgan.
Endi Aleks sport zalida fizioterapiya va reabilitasiyadan o‘tadi. Uning maydonga qaytishi jarohat holatiga bog‘liq bo‘ladi.
Eslatib o‘tamiz, “Atletiko” iyul oyi boshida Baenani “Vilyarreal”dan 45+5 mln yevroga sotib olgan edi.