“Roma” Lorenso Pellegrini bilan shartnomani uzaytirmaydi.
Bu haqda rimliklar bosh murabbiyi Jan Pyero Gasperini ma’lum qildi.
“Pellegrini qaytishga yaqin, u bilan bog‘liq vaziyat to‘liq aniq emas: klub shartnomani uzaytirishni istamayapti, ammo Pellegrini terma jamoaga qaytish uchun o‘ynashi kerak.
Men bahs-munozara qilmoqchi emasman, shunchaki aytmoqchiman: agar barcha tomonlar uchun mos keladigan yechim paydo bo‘lsa – u ham, klub ham mamnun bo‘ladi. Bugungi kunda bunday imkoniyat yo‘q,” – dedi “Roma” bosh murabbiyi.
Avvalroq shartnomasi 2026 yilda tugaydigan Pellegrini asosiy sardorlik maqomidan mahrum bo‘lgandi. U 2021 yildan beri sardorlik bog‘ichini taqib kelgan.
Lorenso “Roma” tarbiyalanuvchisi hisoblanadi. U 2014 yilda klubda o‘ynay boshlagan, 2015 yilda “Sassuolo”ga ketgan va 2017 yilda “Roma”ga qaytgan.