Andre Onana Turkiyada “Manchester Yunayted”dan ko‘ra ko‘proq maosh oladi.
Avvalroq, Kamerun terma jamoasining 29 yoshli darvozaboni “Trabzonspor”ga ijaraga o‘tishga rozi bo‘lgan edi. Bu sotib olish huquqisiz bepul ijara bo‘ladi.
Fabrisio Romanoning so‘zlariga ko‘ra, Onana allaqachon hujjatlarni imzolagan, “Trabzonspor”dan tasdiq kutilmoqda. Keyingi haftada esa futbolchi yangi klubiga yo‘l olishi kerak.
Ben Jeykobsning ma’lum qilishicha, barcha tafsilotlar 24 soat ichida hal qilinadi. Bundan tashqari, Andre Turkiyada imzo bonusi va boshqa bonuslar tufayli “MYU”ga qaraganda ko‘proq pul ishlab oladi.