15 yoshli qirg‘izistonlik o‘smir Solingen shahridagi festivalda pichoq bilan hujum uyushtirganlikda ayblanib hibsga olindi.
Spiegel nashrining yozishicha, gumonlanuvchi qochqinlar uchun yotoqxonada yashagan va guvohning so‘zlariga ko‘ra, u hujumchi bilan hujum ehtimolini muhokama qilgan. O‘smir rejalashtirilgan jinoyat haqida xabar bermaganlikda gumon qilingan.
Dyusseldorf politsiyasi uning voqeaga aloqadorligini tekshirmoqda va bir vaqtning o‘zida bir nechta joylarda tintuv o‘tkazmoqda. Qotillik quroli shahar markazidagi axlat qutisidan topilgani aytilmoqda.
Eslatib o‘tamiz, bir kun avval noma’lum shaxs Solingenning 650 yilligini nishonlayotgan shahar festivaliga tashrif buyurgan mehmonlarga pichoq bilan hujum qilgan edi. Hujum natijasida 3 kishi halok bo'ldi, 8 kishi jarohat oldi, ulardan 5 nafarining ahvoli og'ir. Jinoyatchi hamon qidiruvda.