Telegram asoschisi Pavel Durov Ozarboyjondan Parijga ketayotgan shaxsiy samolyotda Le Burje aeroportida hibsga olindi.
Frantsiya huquq-tartibot idoralari Durovni «giyohvand moddalar savdosi, bolalarga qarshi jinoyatlar va firibgarlikda» aybladi. Sababi messenjerning moderatsiyaga ega emasligi va huquq-tartibot idoralari vakillari bilan hamkorlik qilishdan bosh tortgani.
TF1 telekanalining xabar berishicha, Durovni qidirish haqidagi order faqat u Frantsiya hududida bo'lganida amal qiladi. Durovning o'zi Parijga borib, hibsga olingan.
Durovga bir qancha ayblovlar qo‘yilgan va u Fransiya fuqarosi sifatida sud qilinishi aytilgan. Agar aybi isbotlansa, u 20 yilgacha qamoq jazosiga hukm qilinishi mumkin.
Bundan tashqari, Fransiya Durov sudidan foydalanib, Telegram’ga Yevropa Ittifoqi sanksiyalarini qo‘llashi mumkinligi aytilmoqda.
Durovning hibsga olinishi fonida unga tegishli TON kriptovalyutasi ham 15 foizga tushib ketdi.