O‘zini Pavel Durovning uch farzandining onasi deb da’vo qilayotgan Irina Bolgar Instagram’da Telegram asoschisi bilan munosabati va sudga da’vo arizasi sababi haqida uzun post yozdi.
«Men o'zimdan ancha boy va kuchliroq odam bilan kurashayotganimni bilardim, lekin buni bolalar uchun qildim», deb yozgan u.
Ayol sud jarayoni haqidagi ma’lumotni OAVga oshkor qilmasligini va Parijdagi sud jarayonidan keyin Durovning ahvolini yomonlashtirmoqchi emasligini aytdi. Uning so'zlariga ko'ra, o'tgan yili jurnalistlar hamma narsani oshkor qilgan, ammo u bu haqda izoh bermagan. Irina, shuningdek, Shveytsariya hukumati Durovni otalik huquqidan mahrum qilganini aytdi.
Irinaning ta'kidlashicha, Durov kenja o'g'lini haqorat qilgan va aliment to'lashni to'xtatgan – oyiga 150 ming evro. Frantsiyada Pavel Durov, jumladan, farzandlaridan biriga nisbatan zo'ravonlik uchun tergov ostida.