Ukraina prezidenti Vladimir Zelenskiyning so‘zlariga ko‘ra, Rossiya armiyasi Poltavaga ikkita ballistik raketa bilan hujum qilgan.
Dastlabki ma’lumotlarga ko‘ra, hujum oqibatida 41 kishi halok bo‘lgan, 180 dan ortiq kishi jarohatlangan. Raketalar Aloqa instituti va shifoxona binolariga zarar yetkazgan.
Poltava viloyati rahbari Filipp Pronin bugun “Poltava uchun dahshatli kun” bo‘lganini va ko‘p odamlar qon topshirayotganini ma’lum qildi.
Rossiyaning Telegram kanallari Poltava shahriga “Iskander-M” raketalari yordamida hujum uyushtirilgani haqida yozmoqda. Ularga ko‘ra, Ukraina Qurolli kuchlari uchun “aloqa o‘quv markazi” hujumga uchragan va hujum natijasida ukrainalik askarlar halok bo‘lgan.