Durdona Abdujabborova sumo bo‘yicha jahon chempionatining bronza medalini qo‘lga kiritdi. Bu O‘zbekistonning sportdagi ilk xalqaro muvaffaqiyati bo‘ldi.
Sumo bo‘yicha 25-jahon chempionatida o‘zbekistonlik sportchi Durdona Abdujabborova bronza medalini qo‘lga kiritdi, deb xabar berdi “Dunyo”. Bu O‘zbekistonning sportdagi ilk xalqaro muvaffaqiyati bo‘ldi.
7-8 sentabr kunlari Polshaning Krotoshin shahrida jahon chempionati bo‘lib o‘tdi. Turnirda 33 davlatdan 200 nafarga yaqin sportchi ishtirok etdi. O‘zbekiston sharafini Abdug‘adir Usmonov (80 kilogrammgacha), Mahmudjon Maqsudov (115 kilogrammgacha), Faridaxon To‘lashova (73 kilogrammgacha) va Durdona Abdujabborova (mutlaq og‘ir vazn) himoya qildi.
Abdujabborova o‘z toifasida Estoniya, Polsha va Ukrainadan kelgan raqiblariga qarshi ikkita g‘alaba va ikkita mag‘lubiyat qayd etib, uchinchi o‘rinni qo‘lga kiritdi. U bronza medalini yaponiyalik sportchi Airi Hisano bilan bo‘lishib oldi. Norvegiyalik Katrin Frilset kumush medalni qo‘lga kiritgan bo‘lsa, ukrainalik Irina Pasechnik chempionlikni qo‘lga kiritdi.