Amerikaning Apple kompaniyasi sun`iy intellektni rivojlantirish bo'yicha boshqa kompaniyalarga nisbatan sezilarli darajada ortda qolmoqda, deb xabar berdi «Vzglyad» Mobile Research Group yetakchi tahlilchisi Eldar Murtazinga tayanib.
Shu hafta boshida, 9-sentabr kuni Apple kuchliroq protsessorlar, takomillashtirilgan kameralar va Apple Intelligence sun’iy intellekti bilan jihozlangan iPhone 16 va 16 Plus smartfonlarini taqdim etdi. Biroq Murtazinning so‘zlariga ko‘ra, Apple Intelligence algoritmlari OpenAI tashkiloti bilan hamkorlik qilishiga qaramay, bozordan hamon orqada qolmoqda.
Mutaxassisning qayd etishicha, Apple’dan farqli o‘laroq, Samsung kabi boshqa kompaniyalar allaqachon sun’iy intellektning ikkinchi avlodidan faol foydalanmoqda, uchinchi avlod esa ishlab chiqilmoqda. Murtazinning taʼkidlashicha, sunʼiy intellektni rivojlantirishning muhim jihati nafaqat algoritm yaratish, balki uni foydalanuvchilar tomonidan olingan real maʼlumotlarga “oʻrgatish” hamdir.
Shu sababli, ushbu ekspert Apple o'z raqobatchilari darajasiga yaqinlashish uchun haqiqiy foydalanuvchilarning ma'lumotlaridan foydalangan holda sun'iy intellektni o'qitish jarayonidan o'tishi kerak, deb hisoblaydi.