Kurskning Ukraina Qurolli kuchlari tomonidan bosib olingan qismini Rossiya tomonidan o'qqa tutilishi natijasida 23 nafar tinch aholi halok bo'ldi.
Bu haqda Ukraina Qurolli kuchlari qo‘mondonligining Kursk viloyatidagi vakili Aleksey Dmitrashkovskiy AFPga bergan intervyusida ma’lum qildi.
«Kursk viloyatining bosib olingan hududlarida bir necha ming ruslar qolmoqda», – dedi Dmitrashkovskiy. Tinch aholi Ukraina Qurolli kuchlari nazorati ostidagi hudud ichida harakatlanishi mumkin, ammo ularni tark etishga ruxsat berilmaydi, chunki vaziyatni nazorat qilish kerak”.
Dmitrashkovskiy Ukraina Rossiyaning Kursk viloyatidagi qarshi hujumini to‘xtata olganini aytdi. Biroq, AFPga izoh bergan yana bir ukrainalik manbaning aniqlik kiritishicha, rossiyalik harbiylarning operatsiyalari to‘liq barbod bo‘lgani haqida gapirishga hali erta.