Toshkent shahrining Olmazor tumanidagi ikkita ko‘chada transport harakati vaqtincha cheklanadi, deb xabar qildi poytaxt hokimligi matbuot xizmati.
Hozirgi kunda mutaxassislar kanalizatsiya quvurlarini ta'mirlashadi. Shu munosabat bilan soat 20:00 dan 23:00 gacha Shimoliy Olmazor ko‘chasidan Usta Olim ko‘chasi bilan chorrahagacha bo‘lgan kichik halqa yo‘li yopiladi.
Bundan tashqari, yo'l ta'mirlash ishlari ham amalga oshirildi. 19-sentabr soat 23:00 dan 20 sentabr kuni soat 07:00 ga qadar Qorasaroy ko‘chasi bilan kesishgan chorrahadan Usta Olim ko‘chasigacha bo‘lgan kichik halqa yo‘lida harakatlanish cheklanadi.