Mixail Mudrik yaqin orada “Chelsi”ni tark etmaydi.
Klub vingerni qishda ijaraga berishga va hatto sotishga ham tayyorligi xabar qilingandi.
Insayder Fabrisio Romano bu ma’lumotni rad etadi. Unga ko‘ra, hech qaysi klub bilan muzokaralar olib borilmayapti, ukrainalik futbolchi ketmoqchi emas va yangi murabbiy qo‘l ostida o‘zini ko‘rsatish niyatida.
“Ko‘klar” ham yaqin orada Mudrikning yaxshi formaga kirishiga umid qilmoqda.
“Bu hikoyada mutlaqo haqiqat yo‘q”, deb ta’kidlaydi Romano.