Janubiy Koreya bilan hamkorlikda Sirdaryo va Jizzaxda quruqlik portlarini qurishning texnik-iqtisodiy asoslari ishlab chiqiladi.
Transport vazirligi huzuridagi Transport va logistikani rivojlantirish masalalari ilmiy-tadqiqot markazi hamda Koreya Okeanlar va baliqchilik vazirligi huzuridagi Port investitsiya departamenti o‘rtasida uchrashuv bo‘lib o‘tdi.
Uchrashuvda logistika infratuzilmasini qurish va modernizatsiya qilish sohasidagi hamkorlikni rivojlantirish masalalari muhokama qilindi.
Sirdaryo va Jizzax viloyatlarida quruqlik portlari va ichki terminallar qurishning iqtisodiy va texnik asoslarini ishlab chiqish masalalari muhokama qilindi. Loyiha 2024-yil 9-avgustda boshlanadi, 13 oy davom etadi va 2025-yil 12-sentabrda tugaydi.
Ta’kidlash joizki, loyihadan ko‘zlangan maqsad ushbu hududlarda quruq portlarni rivojlantirish bo‘lib, bu mamlakat logistika infratuzilmasini yaxshilashga xizmat qiladi.