Natijada, havoga chiqariladigan karbonat angidrid miqdori yiliga 8,5 million tonnadan ko'proqqa kamayadi – bu 4 million avtomobilni yo'ldan olib tashlashga teng.
Britaniya hukumati o'tgan haftada mamlakatdagi oxirgi ko'mir elektr stansiyasi yopilganidan keyin 25 yil davomida karbonat angidridni ushlab turish va saqlash uchun 28,4 milliard dollar ajratishni rejalashtirmoqda. Bu haqda hukumatning rasmiy saytida aytilgan.
“Hukumat Buyuk Britaniyaning birinchi karbonat angidrid omborini ishga tushirishni moliyalashtirishini tasdiqladi. Bu minglab yangi ish o‘rinlarini yaratadi, milliardlab dollarlik xususiy investitsiyalarni rag‘batlantiradi va sof nolga o‘tishni tezlashtirishga yordam beradi.
Ushbu turdagi ikkita sayt Tissayd (mamlakatning shimoli-sharqida) va Mersisayd (shimoli-g'arbiy) okruglarida joylashgan. Ular ushbu hududlardagi sanoat markazlarining rivojlanishiga xizmat qilib, to‘rt ming ish o‘rni yaratib, mamlakatning qolgan hududlarini energiya bilan ta’minlamoqda.
Ta’kidlash joizki, zararli gazlarni yig‘ishga qaratilgan loyihalarga 10,5 milliard dollar xususiy sarmoya jalb etilishi mumkin.
Shu bilan birga, havoga chiqariladigan karbonat angidrid miqdori yiliga 8,5 million tonnadan ko'proqqa kamayadi – bu 4 million avtomobilni yo'llardan olib chiqishga teng.