Xitoy Bosh vaziri Li Tsyan 14-17 oktyabr kunlari rasmiy tashrif bilan Pokistonda bo‘ladi. Bu haqda Xitoy Tashqi ishlar vazirligi rasmiy vakili Mao Ning ma'lum qildi, deya xabar beradi TIV saytida. Bayonotda aniqlik kiritilishicha, Li Tsyan Pokiston Bosh vaziri Shahboz Sharifning taklifiga binoan Shanxay hamkorlik tashkiloti (SHHT) Hukumat rahbarlari kengashining Islomoboddagi 23-yig‘ilishida ishtirok etadi. Sentyabr oyida Xitoy tashqi ishlar vaziri o‘rinbosari Sun Veydun Xitoy ShHTni Pekin tashqi siyosatidagi ustuvor yo‘nalish deb bilishini aytgan edi. Shanxay hamkorlik tashkilotiga hozirda Xitoy, Rossiya, Hindiston, Eron, Qozog‘iston, Belarus, Qirg‘iziston, Tojikiston, Pokiston va O‘zbekiston kiradi. 12 oktabr kuni ShHT Bosh kotibi Chjan Min assotsiatsiya Janubi-Sharqiy Osiyo davlatlari, jumladan, Tailand, Indoneziya, Malayziya, Singapur, Bruney, Filippin, Vyetnam, Laos, Kambodja va Myanma bilan siyosiy hamkorlikni kuchaytirishga tayyorligini bildirdi.
