O‘zbekistonda 27-oktabr kuni bo‘lib o‘tadigan parlament sayloviga tayyorgarlik ko‘rish maqsadida “saylov.mfa.uz” sayti ishga tushirildi. Bu haqda “Dunyo” AA xabar bermoqda.
Ushbu veb-sayt O‘zbekiston Respublikasining xorijdagi fuqarolariga konsullik hisob raqamini ochmasdan turib, saylovchilar ro‘yxatiga kiritish uchun elektron ro‘yxatdan o‘tish imkonini beradi.
Qo‘shimcha qulaylik sifatida xorijdagi fuqarolarning o‘zlari tanlagan saylov uchastkasini ekstraterritoriallik asosida platforma orqali o‘zgartirish imkoniyati joriy etildi.