Koreya korporatsiyasi O‘zbekistonda chiqindilarni qayta ishlash zavodi qurishni rejalashtirmoqda.
Ekologiya vazirligidan ma’lum qilishlaricha, 7-11 oktabr kunlari Ekologiya, atrof-muhitni muhofaza qilish va iqlim o‘zgarishi vaziri o‘rinbosari Iskandar Qutbiddinov Seulda bo‘lib, bir qator kompaniyalar bilan chiqindilarni qayta ishlash sohasida hamkorlik qilish bo‘yicha muzokaralar olib bordi.
Bundan tashqari, chiqindilarni yoqish orqali “yashil” energiya oladigan korxonalar faoliyati bilan ham tanishdi. Koreya Eksport-import banki vakillari bilan muzokaralar olib borildi.
Bundan tashqari, Iskandar Qutbiddinov Koreya Atrof-muhit vazirligi huzuridagi Korea Environmental Corporation (K-eco) raisi B.An bilan uchrashdi. Uchrashuvda ikki tomon qo‘shma hamkorlikni mustahkamlash va ekologik xavfsizlik bo‘yicha tajriba almashish bo‘yicha kelishuvga erishdi.
Nihoyat, Jizzax viloyatida qattiq maishiy chiqindilarni qayta ishlash zavodini qurish bo‘yicha umumiy qiymati 6,2 million dollar bo‘lgan to‘rt yillik moliyalashtirish loyihasi shartnomasi imzolandi.
Loyiha doirasida chiqindixonalarni yangilash, 300 ming kub metr chiqindilarni yig‘ish, tuproq bilan qoplash, poligon gazini yig‘ish va piroliz usulida yoqish, elektr energiyasi ishlab chiqarish uskunalari (generator) o‘rnatish.