2025/2026 oʻquv yilidan boshlab Oʻzbekiston maktablarida oʻqotar qurollardan foydalanish boʻyicha amaliy mashgʻulotlar oʻtkaziladi.
“O‘q otish sportini yanada rivojlantirish va ommalashtirish to‘g‘risida”gi Prezident qarori qabul qilindi. Bu haqda “Huquqiy axborot” nashri xabar berdi.
Qarorga koʻra, Olimpiya va Paralimpiya sport turlari boʻyicha oʻquv markazlarida 10 metrga otish sporti inshootlari bosqichma-bosqich shakllantirilib, zamonaviy sport anjomlari va asboblari bilan toʻliq taʼminlanadi.
2025/2026 o‘quv yilidan boshlab O‘zbekiston davlat jismoniy tarbiya va sport universitetida “Sport faoliyati: o‘q otish va tribunadan o‘q otish” oliy ta’lim kursi ochiladi.
Bundan tashqari, milliy otish sporti bo‘yicha murabbiylar, selektorlar, hakamlar va boshqa mutaxassislarning kasbiy malakasini oshirish maqsadida mahalliy va xorijiy mutaxassislar ishtirokida seminar-trening va amaliy mashg‘ulotlar tashkil etiladi. 2025 yildan boshlab har yili:
- Harbiylar va huquqni muhofaza qiluvchi organlar xodimlari o‘rtasida o‘q otish sporti bo‘yicha “Mergan” kubogi;
- O‘q otish sporti bo‘yicha belgilangan yosh toifalarida O‘zbekiston chempionati o‘tkaziladi.
Tumanlar (shaharlar)dagi sport maktablarida o‘q otish sport jamoalari bosqichma-bosqich tashkil etilmoqda. 2025/2026 o‘quv yilidan boshlab umumta’lim muassasalarida:
- “O‘qotar qurollar va pnevmatik sport qurollarining taktik-texnik tavsifi” amaliy mashg‘ulotlari harbiy xizmatdan oldingi boshlang‘ich ilmiy tayyorgarlik dasturiga kiritilgan;
- Amaliy mashg'ulotlarni tashkil etish uchun qismlar, harbiy muassasalar va harbiy tayyorgarlik muassasalarining o'quv va moddiy-texnik bazasidan foydalaniladi.