G‘azo sektorida davom etayotgan janglarda kamida 188 jurnalist halok bo‘ldi. Bu haqda Livanning Al Mayadin telekanali Falastin yerlaridagi hukumatga tayanib xabar berdi.
2023-yil oktabr oyida Falastin-Isroil mojarosi boshlanganidan beri G‘azo sektorida halok bo‘lgan jurnalistlar soni 188 nafarga yetdi, deb xabar bermoqda hukumat matbuot xizmati.
Qatarning Al-Jazira telekanali 3-noyabr kuni G‘azo sektorida 182 jurnalist o‘ldirilgani haqida xabar berdi. Bu telekanal, shuningdek, ko‘plab OAV xodimlari va ularning oila a’zolari halok bo‘lgani haqida xabar berdi.