Istanbulda kuchli bo'ronlar prognozi tufayli reyslar bekor qilindi. O‘zbekistonning Istanbuldagi Bosh konsulligi fuqarolarga parvoz holatini oldindan tekshirishni va tegishli choralar ko‘rishni tavsiya qiladi.
Turk Havo Yoʻllari (THY) 23-noyabrga belgilangan 38 ta reysni bekor qildi. Bu haqda O‘zbekistonning Istanbuldagi Bosh konsulligi xabar berdi (
Eslatib o‘tamiz, reyslarning to‘xtatilishiga Istanbuldagi kuchli bo‘ronlar prognozi sabab bo‘lgan. Bekor qilingan reyslar orasida:
- 10 ta ichki reyslar,
- 28 ta xalqaro reyslar mavjud.
Aeroport sig‘imini 10 foizgacha cheklash qarori Favqulodda meteorologiya qo‘mitasi (MADKOM) tavsiyalari asosida qabul qilingan.
Istanbul xalqaro aeroporti mutasaddilari ertaga parvozlarga qo'shimcha o'zgartirishlar kiritish mumkinligini ma'lum qildi.
“Sizga parvozingiz holatini oldindan tekshirishni va tegishli choralarni ko‘rishingizni maslahat beramiz”, — deyiladi Bosh konsullik bayonotida.