Shanba oqshomida Londonning “Arsenal” jamoasi o‘z maydonida “Nottingem Forest”ni 3:0 hisobida mag‘lub etdi.
“Kanonirlar”ning uchinchi golini 85-daqiqada yosh “kanonirlar” hujumchisi Etan Nvaneri kiritdi. Ma’lum bo‘lishicha, bu yosh futbolchining Angliya elita divizionidagi ilk goli bo‘ldi.
Nvaneri joriy mavsum boshida uch marta gol urdi, ammo Liga kubogida. U ikkita golini “Bolton”ga, yana biri “Preston Nort End”ga urgan.