“Aston Villa” Chempionlar ligasining muhim o‘yinida “Yuventus”ga qarshi bahs olib boradi. Villaliklar bosh murabbiyi Unai Emeri o‘yinoldi matbuot anjumanida OAVga murojaat qildi.
Ispaniyalik murabbiy o‘z jamoasining tayyorgarligi va italiyalik raqiblari haqidagi fikrlari bilan bo‘lishdi.
“Muxlislarga uchrashuvdan zavqlanishni maslahat beraman. Biz Chempionlar ligasidamiz va bu o‘yin ajoyib bo‘ladi.
“Yuventus”ga qarshi o‘yinda Konsa va Kamara tiklanadi. Biroq, Onana va Remzi maydonga tushmaydi.
“Yuventus” to‘p bilan va to‘psiz yaxshi o‘ynaydigan toshdek mustahkam himoyaga ega. Ular o‘yin nazoratini saqlab qolishga va orqada yaxshi joylashishga harakat qiladigan jamoa qurmoqdalar”, – dedi Emeri.