Toshkent viloyati Qibray tumanida oziq-ovqat majmuasi va do‘kon yonib ketdi. FVV vaziyat bo‘yicha batafsil ma’lumot berdi.
Eslatib o‘tamiz, 10 dekabr kuni soat 03:49 da Toshkent viloyati FVBga Qibray tumani, Alisher Navoiy ko‘chasi, “G‘afur G‘ulom” MFYda joylashgan mas’uliyati cheklangan jamiyatlardan birida yong‘in sodir bo‘lgani haqida xabar kelib tushgan.
Maʼlumotlarga koʻra, soat 03:54da 16 ta oʻt oʻchirish brigadasi voqea joyida boʻlgan, yongʻin soat 05:10da nazoratga olingan va soat 05:50da toʻliq oʻchirilgan.
Ushbu hodisa natijasida hech kim jabrlanmagan va halok bo‘lmagan. Hozirda yong‘in sabablari o‘rganilmoqda.