Poco X7 va X7 Pro bo'lajak byudjet smartfonlarining suratlari internetga tarqaldi. Bu haqda GSMArena portali xabar bermoqda.
Ko‘rinishidan, Poco X7 Redmi Note 14 Pro’ga o‘xshash bo‘ladi – smartfon uchta linzali bir xil kamera klasterini oladi. Qurilma yashil, kumush va qora tilla ranglarda sotuvga chiqariladi va displey har ikki tomonda qiyshiq bo‘ladi.
Aksincha, Poco X7 Pro ikki rangli korpus va ikkita kamera moduli bilan ajralib turadi. Asosiy versiyadan farqli o'laroq, qurilma tekis qirralarga va egri chiziqsiz displeyga ega bo'ladi. Ushbu model qora, yashil va qora-sariq ranglarda taqdim etiladi.
Poco X7 va X7 Pro smartfonlarining texnik xususiyatlari hali oshkor etilmagan, ammo ular Redmi Note 14 seriyali qurilmalarga o‘xshash bo‘lishi kutilmoqda, ehtimol ikkala model ham yangi HyperOS 2.0 proshivkasini ishga tushiradi.
Ta'kidlash joizki, Poco X7 seriyasiga yana bir model – X7 Neo ham kiradi. Smartfon o'rta diapazonli MediaTek Dimensity 7025 chipini oladi, buni Geekbench ma'lumotlar bazasida gadjetning paydo bo'lishi tasdiqlaydi.