71 yoshli Isak Andik Kataloniyadagi Montserrat monastiriga ketayotib, balandlikdan kanyonga qulab tushdi. Bu yil Forbes jurnali uni Kataloniyadagi eng boy odam deb tan oldi.
Ispaniyadagi Mango do‘konlar tarmog‘i asoschisi, 71 yoshli Isak Andik Kataloniyadagi Montserrat monastiriga ketayotganida balandlikdan kanyonga qulab tushdi. Bu haqda El Pais o‘z manbalariga tayanib xabar berdi.
Andikning o‘limi haqida Mango kompaniyasi ham ma’lum qilgan, biroq voqea tafsilotlariga oydinlik kiritilmagan.
“Isaak barchamizga o‘rnakdir. «U o'z hayotini Mangoga bag'ishladi va o'zining strategik qarashlari, ilhomlantiruvchi etakchiligi va kompaniyamizga singdirilgan qadriyatlarga sodiqligi bilan o'chmas iz qoldirdi … Uning o'tishi katta bo'shliqni qoldiradi, ammo biz hammamiz uning o'tganiga guvoh bo'ldik.» meros va qaysidir ma'noda yutuq», – deyiladi kompaniya bayonotida.
El Pais nashrining yozishicha, Andik toqqa chiqishni, piyoda sayr qilishni va oilasi bilan kun o‘tkazishni yaxshi ko‘radi. Andik 100 metrdan oshiq balandlikdan qulagani bois uni qutqarib bo‘lmadi.
Isak Andik 1984 yilda akasi Nachman bilan Punto Fa, SL kompaniyasiga asos solgan, o'sha yili ular Barselonada o'zlarining birinchi Mango ayollar kiyimlari do'konini ochishgan. Hozirda ushbu brendning 110 mamlakatda 2700 ga yaqin do'konlari mavjud. Bu yil Forbes jurnali Isak Andikni Kataloniyaning eng boy odami deb tan oldi va u Ispaniyaning eng boy odamlari ro'yxatiga ham kirdi. Andik va uning oilasining aktivlari 4,5 milliard yevroga baholanmoqda.