O‘zbekiston Vazirlar Mahkamasi huzuridagi Migratsiya agentligining Rossiyadagi vakillari ushbu mamlakat elchixonasi diplomatlari bilan birgalikda vatandoshlar vaqtincha ishlab turgan EUROSPAR (supermarketlar tarmog‘i) kompaniyasiga tashrif buyurishdi.
Tashrif davomida ishchi guruh tomonidan ish beruvchilar tomonidan yaratilgan mehnat sharoitlarini monitoring qilish va o‘rganish maqsadida EUROSPAR supermarketlar tarmog‘i ob’ektlarida mehnat qilayotgan O‘zbekiston fuqarolari bilan uchrashuvlar o‘tkazildi.
Vatandoshlar bilan muloqotda Rossiya migratsiya qonunchiligi qoidalariga rioya qilish zarurligi ta’kidlandi. Mamlakat ichida migratsiya sohasida amalga oshirilayotgan o'zgarishlar ham qayd etilgan.
Ushbu kompaniya rahbariyati bilan suhbatda ular xavfsiz va tartibli mehnat migratsiyasi sohasida hamkorlik qilish, so‘ngra o‘zbekistonliklar uchun ish o‘rinlari sonini oshirish bo‘yicha kelishuvga erishdi.
EUROSPAR – Niderlandiyadagi eng yirik supermarketlar tarmog'i. Rossiyaning birinchi SPAR chakana savdo tarmog'i Nijniy Novgorodda 2001 yilda ochilgan. Bugungi kunda Rossiyaning 12 mintaqasida ushbu brend ostida 200 dan ortiq supermarketlar faoliyat yuritmoqda. Moskvadagi EUROSPAR supermarketlar tarmog‘ida 320 dan ortiq O‘zbekiston fuqarolari ishlaydi. Ular uch mahal issiq ovqat, yuqori turmush sharoiti, munosib maosh bilan ta’minlangan.