AQSh Immigratsiya va bojxona xizmati 2023-yil sentabridan 2024-yil sentabrigacha 572 kishini O‘zbekistonga deportatsiya qildi.Bu haqda 2024-yil 19-dekabrda e’lon qilingan hisobotda aytilgan.
Hisobotga ko‘ra, bu davrda 192 davlatga 271 484 kishi deportatsiya qilingan, bu oxirgi 10 yildagi eng yuqori ko‘rsatkichdir. Deportatsiyalar soni o‘tgan yilning shu davriga nisbatan qariyb ikki baravar ko‘paygan, 142 580 kishi deportatsiya qilingan.
O'n yillikning maksimal soni 2014 yilda qayd etilgan – 315 943 kishi. Donald Trampning AQSh prezidenti lavozimidagi birinchi muddati davomida (2019) eng ko‘p deportatsiyalar soni 267 258 kishini tashkil qilgan.
Deportatsiyalar sonining ko‘payishi parvozlar sonining ko‘payishi, jumladan, dam olish kunlari parvozlari hamda Gvatemala, Gonduras va Salvador kabi mamlakatlarga migrantlarni qaytarishning oson tartiblari bilan bog‘liq. Olti yil ichida birinchi marta Xitoyga parvoz amalga oshirildi va Albaniya, Misr, Gruziya, Hindiston, Ruminiya, Tojikiston, O‘zbekiston va boshqa davlatlarga deportatsiyalar tashkil etildi.